Edi Paloka komentoi për situatën politike në vend duke u ndalur edhe tek zgjedhjet e 14 majit.
I ftuar në emisionin “Kjo Javë” në News24, deputeti u shpreh se qëndrimet e Enkelejd Alibeaj ishin të pritshme. Më tej theksoi se Alibeaj këmbëngulte për të pasur 61 kandidatë në të gjitha zonat, por që dështoi.
“Kemi takime të përditshme, edhe gjithë strategjia e fushatës do të përqendrohet tek takimi direkt me qytetarët. Dihet tashmë që pjesa më e madhe janë të blerë nga Rama dhe jemi të detyruar që të kemi kontaktin direkt me qytetarët. ndërkohë edhe Berisha është gjithë kohën në takime me kandidatë, ku përveç takimeve paraqet edhe qëndrimet politike. Këto zgjedhje kanë një vlerë shumë të madhe. Për opozitën është edhe një trampolinë për zgjedhjet parlamentare. Rama ka ushtruar të gjithë presionin e tij për të marrë në dorë të gjitha pushtetet”, tha Paloka.
“Fakti që AliBasha këmbënguli për të nxjerrë 61 kandidatë tregoi se ky njeri kishte si mision dëmtimin e opozitës , por nuk arriti të gjente aq kukulla që t’i përdorte si lolot e tij. As ata vetë nuk i qëndruan sepse një pjesë shumë e madhe dhanë dorëheqjen”, u shpreh Paloka.