Sali Berisha ka hedhur akuza ditën e sotme ndaj SPAK dhe kryeprokurorit Altin Dumanit. Ky i fundit tha pak ditë më parë se nuk sekuestrohet Inceneratori i Tiranës, pasi ka kompani që mund t’i çonin në arbitrazh. Për Berishën kreu i SPAK-ut është në kontroll të bandës mafioze që vjedh paratë e shqiptarëve.
“Tragjikomedia e kësaj afere është e pakufishme. Inceneratori i Tiranës është një kontratë e cila u kushton shqiptarëve 420 mln euro mbi bazën e firmave që janë vendosur në këtë kontratë. Inceneratori i Tiranës shpall nga altin dumani, komisari politik i SKAP, si një sipërmarrje që nuk i dihen pronarët.
Ky inceneratori gllabëron çdo ditë qindra mijëra euro të taksapaguesve shqiptarë nga një grup mafioz që ka në krye Ramën e Veliajn dhe disa emra të tjerë. Dy fjalë do ti them Komisar Dumanit, se pretendimi juaj se nuk dihen pronarët iu akuzon shumë rëndë ju dhe institucionin tuaj.
Së pasi le të marrim për të vërtetë atë që ju thoni, se nuk bllokoni dot fondet se nuk dihen pronarët. A mund ti thoni shqiptarëve ca ju pengon të dërgoni në gjykatë aferën. Paraqitët pretendim se janë arbitarzhet. Çdo arbitrazh është i detyruar të marrë parasysh vendimin e gjykatës së vendit. Jeni në kontroll të asaj bande që vjedh shqiptarët”,-tha Berisha.