Kryeredaktori i Top Channel, Altin Kreka komentoi faktet të cilat mbërritën në redaksinë e Top Channel nga burime anonime dhe që flasin për implikimin e ish kryetares së LSI-së dhe deputetes së Partisë së Lirisë, Monika Kryemadhi në lidhje ruse.
Kreka: Unë dua ta nis kur këto faqe u bënë të ditura për Top Channel dhe në media të tjera. Të dhënat tona kanë mbërritur në e-mailin zyrtar të redaksisë së Top Channel rreth datës 22 dhe ne nga ajo datë deri në këtë moment kemi marrë kohën tonë për t’i verifikuar, kanë mbërritur dhe në media të tjera, arsye perse s’i kanë publikuar i kanë vetë ata.
Ne atë ditë (ditën e sulmit terrorist ndaj Top Channel) ishim duke punuar për këto të dhëna. Nuk u kushtëzua nga ajo që ndodhi, ne kemi hasur edhe më parë situata, jemi mësuar që të mos e deformojmë punën tonë nën presion.
Duma: Kemi qartësi që në një mënyrë apo në një tjetër dihen që janë të faktuara?
Kreka: Një pjesë e tyre janë lehtësisht të faktueshme, tregojnë lidhjen e personave në këtë investigim, janë burime të hapura si Forbes, burime të dokumenteve të Pandora Papers. Çdokush mund t’i kërkojë aksionerët e këtyre kompanive që janë sanksionuar, të cilët mbështesin Putin, që janë dënuar për punë të pista.
E-maili erdhi përmes platformës Proton, e regjistruar në Zvicër, nga disa shkencëtarë të Cerrnit që kanë si bazë ruajtjen e privatësisë së përdoruesve, është e vështirë të verifikohet nga kanë ardhur, ata kanë hapur një adresë e maili në këtë platformë shumë të sigurt, mbi të dhënat që kanë dërguar, ne i kemi publikuar për të ndihmuar transparencën dhe kolegët e tjerë që të marrin guximin t’i marrin këto dokumente dhe të diskutojnë mbi to. duhet një verifikim i dytë ligjor, nga organet e drejtësisë.