Deklarata e eurokomisionerit për zgjerimin Johannes Hahn për shkëmbimin e territoreve mes Kosovës dhe Serbisë, ka ndezur sërish “luftën politike” në vend.
Për përfaqësuesit politikë në Prishtinë, deklarata e Hahn para takimit në Berlin është e dëmshme dhe ideja për ndryshim kufijsh është thirrje për luftë.
I pari që ka reaguar ka qenë kryeministri i Kosovës, Ramush Haradinaj, duke thënë se kjo deklaratë e Hahn është e pashpresë dhe shkatërruese për Kosovës, siç raporton “Zëri”.
Idenë e korrigjimit të kufijve me Serbinë i pari e ka prezantuar verën e kaluar presidenti i Kosovës Hashim Thaçi, por kjo është kundërshtuar ashpër nga subjektet kryesore politike në vend duke shprehur drojën e humbjes së veriut të vendit.