Ish-presidenti i Shteteve të Bashkuara të Amerikës, Donald Trump, është deklaruar i pafajshëm në sallën e gjyqit në New York, në proçesin gjyqësor që po zhvillohet ndaj tij. Sipas mediave të huaja Donald Trump është bërë presidenti i parë aktual ose ish-presidenti që akuzohet për një krim, duke shënuar një kapitull të ri në historinë amerikane.
Ai është deklaruar i pafajshëm për 34 akuza për falsifikim të të dhënave të biznesit dhe konspiracion për rolin e tij të dyshuar në pagesat e parave për dy gra në fund të fushatës së tij presidenciale të vitit 2016.
Trump, 76 vjeç, po hetohet për një pagesë të supozuar prej 130,000 dollarësh (104,000 £) që i është dhënë aktores pornografike Stormy Daniels në emër të tij, në prag të zgjedhjeve presidenciale të vitit 2016, të cilat ai i fitoi.
Thuhet se kjo ishte bërë për ta parandaluar atë të diskutonte një takim seksual që ajo tha se kishte pasur me Trump në një hotel në Liqenin Tahoe në vitin 2006. Ai ka mohuar të ketë pasur një marrëdhënie seksuale me zonjën Daniels. Ish-avokati personal i Trumpit, Michael Cohen, ka thënë se ish-presidenti e udhëzoi atë që të rregullonte pagesën prej 130,000 dollarësh për zonjën Daniels.