Gazetari investigativ, Artan Hoxha ka bërë disa “parashikime” në lidhje ne situatën në zgjedhjet lokale dhe pozicionimin që kanë grupet kriminale lidhur me “14 Majin”. Gjatë një dalje mediatike, Hoxha tha se opozita ka vetëm Shkodrën në favor.
Gazetari u shpreh se grupet kriminale nuk janë me opozitën, pasi e nuhasin se ku do t’i fitojë këto zgjedhje lokale, duke nënkuptuar kështu se përkrahin maxhorancën.
Lidhur me zgjedhjet, a pritet të ketë problematika në vend?
Edhe krimi edhe politika kanë të njëjtin objektiv, të sigurojnë sa më shumë para. Këto janë zgjedhje lokale. Opozita ka vetëm Shkodrën në favor, e ka të vështirë. Grupet më të rëndësishme të krimit të organizuar nuk janë me opozitën. E nuhasin se kush do të fitojë.
Si ka ndryshuar krimi në Shqipëri ndër vite?
Krimi në Shqipëri ka kaluar në një nivel tjetër. Jemi duke evoluar. Në total vitin e kaluar kishim vetëm 44 të vrarë, por kjo nuk lidhet me mënyrën e krimeve. Mund të ketë patur vitin e kaluar më shumë të vrarë po kanë qenë krime ordinere. Gjatë vitit të kaluar ka patur atentate të nivelit të lartë, të kushtueshëm.