Nga një problem në tjetrin. Kjo është “lufta” e të rinjëve shqiptarë që emigrojnë drejt Britanisë së Madhe. Një shqiptar u kap duke grabitur një banesë, pritet të dëbohet nga vendi pasi të lirohet.
Fatmir Limani kishte hyrë në një banesë përmes dritareve dhe më pas ka grabitur sende me vlerë. Pronari i banesës së bashku me familjen e tij ishin larguar për pushime, por ishte sinjalizuar nëpërmjet telefonit.
Ai kishte vënë re dy persona që po lëviznin në pronën e tij dhe menjëherë kishte kontaktuar fqinjin dhe më pas policinë. Limani kishte mbërritur në Britani në rrugë ilegale dhe në dëshminë e tij tregoi se duhet t’u paguante trafikantëve 25,000 £.