Pas zotimeve të kryeministrit Edi Rama për rritjen e pagave, Jorida Tabaku u shpreh se nuk mund të ketë rritje pagash në bizneset private me urdhër të qeverisë.
Deputetja e Partisë Demokratike deklaroi se nuk ka si të ketë rritje ekonomike me tatim socialist dhe se ky është një sistem i pandershëm i taksimit nga një qeveri e pakicës.
“Nuk mund të ketë rritje pagash në privat me urdhër qeverie, kjo e fundit mund të urdhërojë vetëm rritje taksash për bizneset dhe sipërmarrësit siç ka bërë në 10 vite. Nuk mund të ketë rritje pagash me tatimin socialist sepse nuk ka rritje ekonomike me tatimin socialist. Kur jep leje ndërtimi kompanive që kanë 0 bilanc e pastrojnë para thjesht po u shërben qytetarëve gënjeshtra për pagesat e punëtorëve & tenderat publikë. Paga minimale mund te fillohet nga koncesionarët që janë përfituesit/abuzuesit më të mëdhenj. Nuk punon dot për shumicën një qeveri socialiste në shërbim të pakicës që ka mbytur ekonominë dhe konkurrencën. Nuk është qeveria e shqiptarëve ajo që taton 95% për t’i dhuruar taksat 5% të shqiptarëve. Ky është sistemi i pandershëm i taksimit nga një qeveri e pakicës!”, shkruan Tabaku.