Këtë të premte në orën 14:30, pritet seanca e parë e gjykimit për Inceneratorin e Elbasanit. Etleva Kondi, një prej 10 të akuzuarve ka deklaruar se nuk ka pasur asnjë lidhje me tenderat duke kërkuar dhe procedurën e gjykimit të shkurtuar.
Kujtojmë se seanca e planifikuar për t’u mbajtur një javë më parë në Gjykatën e Posaçme Kundër Korrupsionit dhe Krimit të Organizuar nuk u zhvillua për shkak të mungesës së dy avokatëve.
Të pandehur për inceneratorin e Elbasanit janë, Lefter Koka, Alqi Bllako, Mirel Mërtiri, Klodian Zoto, Stela Gugallja, Pëllumb Abeshi, Etleva Kondi, Jonida Zeqo, Bardhyl Çabiri, Serafin Papa.
Nga këta prapa hekurave qëndrojnë Lefter Koka, Alqi Bllako, Pëllumb Abeshi dhe Bardhyl Çabiri. Ndërsa në arrest shtëpie qëndrojnë Jonida Zeqo, Etleva Kondi e Serafin Papa.