Ish-kryeministri Sali Berisha së bashku me kreun e Partisë së Lirisë Ilir Meta, ndodhen në Vorë, ku po prezantojnë kandidatin e koalicionit “Bashkë Fitojmë”, Indrit Hoxha.
Gjatë fjalës së tij, Meta tha se ka deklaruar se kjo bashki është një nga dëshmitë më të forta të papërgjegjshmërisë së Ramës.
“Vora një nga dëshmitë më të forta të papërgjegjshmërisë së Ramës, në 4 vite 5 kryetarë të komanduar. Kjo bashki ka numrin më të madh të sipërmarrjeve për numër banorësh dhe sot ka falimentuar. Ku janë 14 mln euro investime? Të vjedhura abuzuar dhe shumë prej tyre edhe në SPAK. E rëndësishme që çështjeve si kjo t’i shkohet deri në fund sepse është e tmerrshme që të shohësh rrugë në Vorë ku nuk kalohet as më autoblinda jo më me automjete”, tha ai.
Ndërsa Berisha u shpreh se kandidatët e opozitës janë kandidatë të lirisë pasi janë zgjedhur nga votat e bazës.
Ish-kryeministri u shpreh se Indrit Hoxha do të bëjë gjithçka për të lehtësuar barrën e taksave për qytetarëve dhe për të menaxhuar në mënyrën më të mirë të mundshme të ardhurat që vijnë nga taksat e banorëve.