Një aksident i rëndë me pasojë vdekjen ka ndodhur mbrëmjen e kësaj të premte në Lezhë.
Rreth orës 21:00, në aksin rrugor Milot-Rrubik, 63-vjeçari i identifikuar si P. N., banues në Rrëshen, ishte duke drejtuar automjetin e tij tip “Benz”, kur aksidentoi 43-vjeçarin M. Ll., banues në Fan, Mirditë, këmbësor, i cili për pasojë ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme procedurale ndërsa grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.