Pavarësisht afrimit të datës së regjistirmit të kandidatëve dhe të partive politike për zgjedhjet vendore, PD ende nuk ka marrë një vendim final nëse do të regjistrohet ose jo në zgjedhje.
Burime për tirananews.al bëjnë me dije se kreu demokrat Lulzim Basha ka thirrur nesër dy mbledhje të rëndësishme për të diskutuar mbi hapat që do të ndërmarrë.
Paradite do të ketë mbledhje kryesie dhe grupi dhe pasdite do të ketë mbledhje të Këshillit.
“Të nderuar! Nesër (të enjten) ora 12.00 do të zhvillohet mbledhja e përbashkët e Kryesisë së PDSH dhe Grupit Parlamentar, nën drejtimin e Kryetarit Basha. Në rend dite do të jetë vlerësimi i situatës politike dhe vendimmarrja e struktuarave të partisë mbi vijimin e aksionit politik”, thuhet në mesazhin dërguar ish-deputetëve.
Ndërkaq, një tjetër mesazh u është dërguar anëtarëve të Këshillit Kombëtar.
“Të nderuar! Nesër, dt. 18.04.2019, ora 17:00, në Selinë e PD-se, do të zhvillohet mbledhja e Këshillit Kombëtar. Në rend dite do të jetë vlerësimi i situatës politike dhe vendimmarrja e struktuarave të partisë mbi vijimin e aksionit politik. Ju lutem siguroni pjesëmarrjen dhe konfirmoni prezencën. Organizimi PD”, thuhet në mesazhin e siguruar nga tirananews.al.