Sot të numërosh me mijëra ose miliona ndjekës në rrjete sociale cilësohet si arritje dhe sigurisht i shton vlera suksesit të dikujt. Për personazhet e njohur është kthyer edhe në një formë vlerësimi, prandaj rrjetet sociale zënë një vend kaq të rëndësishëm. Këtë gjë e ka treguar me krenari edhe Alketa Vjesiu, e cila sot ka arritur 700 mijë ndjekës në ‘Instagram’. Me këtë rast ajo ka treguar se sa i vështirë ka qenë rrugëtimi i saj për të prekur suksesin dhe ka premtuar se asnjëherë nuk do zhgënjejë personat që e ndjekin.
“Pa ju nuk shkoj dot asgjëkund në çdo sfidë profesionale! E di që kam gjëra që jo të gjithë i pëlqejnë, ka plot gjëra që mund t’i kisha bërë më mirë, ka vend për të pranuar vërejtje dhe për të përmirësuar, por Zoti më ka falur një dhunti; të reflektoj”, – ka shkruar Alketa. Ndër të tjera ajo ka falenderuar në veçanti vajzat dhe gratë, që besojnë tek ajo dhe e mbështesin. “Është e vështirë të zbulosh veten dhe të vërtetat e tua në një ekran të vogël telefoni, por të jesh i ndjekur në kohën që jetojmë sot është ‘privilegj’. Një gjë mos e harroni, ato pak gjëra që shfaq këtu janë të vërtetat e mia të vogla, sepse një cilësi ma kanë mësuar që fëmijë ‘nuk gënjej kurrë’. 700 mijë përqafime për të gjithë”, – ka shkuar Alketa.
