Në një takim me demokratët e degës nr.10 në kryeqytet, Roland Bejko, i cili kandidon nën siglën e PD për Bashkinë Tiranë, nuk i ka kursyer akuzat ndaj Sali Berishës dhe Ilir Metës, duke thënë se ngrihen e njoftojnë protesta sa herë që iu bien aksionet tek Edi Rama.
Po ashtu, Bejko ironizoi fjalët që përdor Berisha se bën protesta madhështore, pasi, sipas tij, ka numër shumë të ulët personash të pranishëm.
“Në Shkodër kushdo që fiton, Edi Rama, Sali Berisha apo Ilir Meta se kanë krushqinë e re, humbasin demokratët. Ata janë në Tiranë. Ditën zihen, njoftohen revolucione dhe sa u bien aksionet te Edi Rama, mbledhin revolucione me Ilir Metën, fillon dhe Berisha me gjuhë hiperbolike, thotë protesta më e madhe kur ka vetëm 5 veta aty. E bën për ekranet. E kupton ku jemi katandisur. Të gjithë në shërbim të Berishës. Pse na urrejnë ne që nuk kemi asnjë lidhje me komunizmin, por vijmë nga populli, për të mos thënë nga të përndjekur politik. E kemi për detyrë ta ruajmë PD se e dimë që nuk ka të ardhme me ‘non grata’. S’ka të ardhme pa SHBA e BE”, tha Bejko.