Ballkani është në Evropë kur shihni hartën e Evropës ka thënë përfaqësuesja e lartë për Politikë të Jashtme e BE-së, Federica Mogherini gjatë një takimi të komisionit të jashtëm të parlamentit evropian.
“Kur shihni hartën e Europës, shihni që Ballkani është në Europë. Ja pse ën vend të fjalës zgjerim më pëlqen të them një ribashkim i Ballkanit me Evropën”, theksoi zyrtarja e lartë e BE-së, duke shtuar se shpreson që BE të përdorë maksimumin e ndikimeve të saj duke vepruar në mënyrë konsistente.
Duke folur në këtë takim, Mogherini shfrytëzoi rastin të theksojë dhe njëherë rëndësinë e marrëveshjes mes Maqedonisë së Veriut dhe Greqisë.
Ajo tha se shpreson të shohë Maqedoninë e Veriut dhe Shqipërinë të hapin negociatat në qershor. Para se ajo të ishte përfaqësuesja e lartë e BE-së, ka qenë ministre e Jashtme e Italisë, shkruan EWB.