Një vrasje e frikshme është shënuar në Turqi. Një 72-vjeçar ka vrarë me pushkë djalin e tij 36-vjeçar, pas një zënke mes tyre, për shkak se i riu nuk pranonte të dilte të punonte.
Ngjarja e rëndë ndodhi në lagjen “Bayrakli” të Izmirit, ku 72-vjeçari A.K, duke u grindur me djalin e tij për shkak se nuk ngrihej në punë, qëlloi dhe e vrau atë me pushkë.
36-vjeçari i identifikuar si Hasan Hüseyin Kaya, është përcjellë në morgun e qytetit për kryerjen e ekspertizës, ndërsa autori është arrestuar nga policia dhe akuzohet për “vrasje me paramendim”.
I moshuari ka shkuar për të ngritur djalin e tij për të shkuar në punë, por ky i fundit nisi të debatonte me tona të lartë me të atin se përse e zgjoi nga gjumi, sherr që degradoi deri në përdorimin e armës.