Ilir Meta ka reaguar sërish në lidhje me sulmet e mazhorancës për hyrjen e kandidatit për Tiranën, Belind Këlliçi në stadium me “autobusin falas” për të hapur fushatën elektorale.
Kreu i PL-së shprehet se sulmet vijnë, pasi kryeministri Edi Rama është tmerruar nga planet e kandidatëve të opozitës dhe nga autobusi i shpresës e i fitores.
“Rama është tmerruar nga fakti që opozita ecën pa ndalim drejt 14 Majit, është tmerruar nga autobusi i shpresës, nga autobusi i fitores, nga autobusi i triumfit të qytetarëve.
Është tmerruar nga të gjitha planet e kandidatëve tanë, të cilët kudo tregojnë se e njohin situatën jashtëzakonisht mirë dhe e njohin shumë mirë, sepse këta nuk u shpallën në sekondën e fundit.
Ata kanë muaj që janë përgatitur sepse kanë zhvilluar një garë të brendshme dhe gjatë gjithë kësaj kohe kanë qenë në kontakt me qytetarët.
Bashkë Fitojmë!”, thekson ai.