Zv.kryeministrja Belinda Balluku dhe kandidati i Partisë Socialiste në Bashkinë Mat, Agron Malaj kanë parë nga afër investimet në infrastrukturën e zonës. Ndër to, një rrugë e re që i shërben komunitetit nga Burreli deri në fshatin Batër, po ndërtohet në këtë periudhë.
“Ky është segmenti rruga e varrezave të qytetit deri në fshatin Batër”.
Balluku dhe Malaj folën edhe për investimet e kryera gjatë viteve të fundit në Bashkinë Mat.
“Qytetarët e Matit ashtu si e meritojnë do marrin të gjitha shërbimet e duhura. Kjo është një nga ato bashkitë me të cilat krenohemi për shkak edhe të gjithë “feedback-ut” që marrim nga banorët e Burrelit dhe të Matit, për sa i përket punëve në infrastrukturë, në kanalizime, në ujësjellës”,-tha zv.kryeministrja Balluku.
Malaj do të kërkojë votat në qytetin e Burrelit dhe në njësitë administrative përreth për të drejtuar bashkinë Mat edhe për një mandat të dytë.