Një alarm për bombë është dhënë këtë të mërkurë në aeroportin e Prishtinës “Adem Jashari”.
Lajmin për Telegrafin e ka konfirmuar policia, e cila ka nisur evakuimin e pasagjerëve dhe personelit nga aeroporti.
“Konfirmojmë se kemi pranuar një kërcënim me bombë. Udhëtaret dhe personeli janë evakuuar dhe janë të sigurt. Ekipet e involvuara në planin emergjent janë te angazhuar ne kryerjen e detyrave te tyre”, bëri me dije Valentina Gara, Zëdhënësja e Aeroportit Ndërkombëtar të Prishtinës “Adem Jashari”.
Ndërkohë, kërcënim të tillë pati edhe pak ditë më parë, por që pas kontrollit doli se kërcënimi ishte i rremë.