Presidentja Vjosa Osmani uroi sot të gjithë besimtarët myslimanë për festën e Fitër Bajramit dhe që kjo ditë të kalojë me atmosferë dashurie, shprese, solidariteti e humanizmi. Osmani tha se kjo festë që shënon përfundimin e muajit të shenjtë të Ramazanit, karakterizohet me solidaritetin njerëzor, një trashëgimi e bartur ndër breza.
Urimi
Të dashur qytetarë, Uroj që Fitër Bajrami të kalojë në atmosferë dashurie, shprese, solidariteti e humanizmi. Kjo festë që shënon përfundimin e muajit të shenjtë të Ramazanit, karakterizohet me solidaritet ndërnjerëzor, një trashëgimi e jona e bartur ndër breza.
Le të shërbejë kjo ditë feste për të qenë më afër njëri-tjetrit, sikurse edhe për t`i mbështetur njerëzit e tjerë në nevojë.
U pranofshin lutjet tuaja dhe sakrifica përgjatë muajit të Ramazanit dhe ju përcjelltë gjithnjë shëndeti, mbarësia dhe begatia në familjet tuaja!
Me fat Fitër Bajrami!