Gjatë fjalës së tij në Kuvend kryeministri Edi Rama tha se është duke punuar një projektligj të ri me OSBE-në, përsa i përket shpifjes në media.
Ai tha se do shtrëngohet rrethi i atyre që sipas tij, e kanë kthyer botën mediatike në llum. “Do vijmë shpejt me ligjin kundër shpifjes. Nuk vazhdojmë dot të jemi mish për top i kujtdo që i teket të shpifë të sajojë të na futet nëpër shtëpia e të sakatojë të madh e të vogël në emër të lirisë, këtu do të vijmë kemi premtuar kemi punuar me OSBE, me një draft dhe do kërkojmë të shtrëngohet qartë në ligj rrethi i atyre që e kanë kthyer botën mediatike në llum dhe e bëjnë të pamundur për njerëzit se kush informon e kush sajon, kush i shërben publikun dhe kush i thith gjakun një opinioni të tërë publik”, tha Rama.
Rama ka thënë se nuk mund të vazhdojë situata që kujt do që i teket të shpifë të sajojë të pavërteta ndaj politikanëve, ku sipas tij mediat po i futen nëpër shtëpia.