Një grup hajdutësh ka grabitur një kontejner mallrash me ar dhe sende të tjera me vlerë që vlerësohet të kapte vlerën e pak më shumë se 20 milionë dollarëve kanadezë, ka konfirmuar policia e Torontos.
Grabitja ndodhi në aeroportin më të ngarkuar të Kanadasë pasi një fluturim që transportonte ngarkesën u ul në Toronto Pearson International të hënën në mbrëmje, u tha gazetarëve inspektori i policisë rajonale Peel, Stephen Duivesteyn.
Pasi avioni u shkarkua, ngarkesa u soll në një objekt mbajtës, nga i cili u hoq “me mjete të paligjshme”, tha ai.
Duivesteyn e përshkroi ngarkesën si një “kontejner të rregullt avioni” dhe nuk pranoi të jepte detaje se nga vinte avioni. Ai vazhdoi: “Sipas procedurës normale, avioni u shkarkua dhe ngarkesa u transportua nga avioni në një objekt mbajtës ngarkesash.
“Kontenieri përmbante një dërgesë me vlerë të lartë. Ai përmbante ar, por nuk ishte ekskluzive për arin. Ai përmbante sende të tjera me vlerë monetare.