“Scotland Yark” ka publikuar pamjet teksa bankieri i pasur britanik Paul Mason, 52 vjeç, dhunohet në mes të rrugës nga një burrë i identifikuar si Steve Allan.
Mason, pas goditjes së tretë u përplas në trotuar dhe mbeti i shtrirë, ndërsa sulmuesi u arratis nga vendi i ngjarjes.
52-vjeçari, ish-drejtori ekzekutiv i Bankës Nacionale të Katarit, pas qëndrimit në koma 6 muaj, humbi jetën në spital.
Nga ana tjetër, autori u dënua me 36 muaj burgim, pasi pranoi se ka kryer vrasjen nga pakujdesia pas sulmit në dhjetor të vitit 2020, para një klubi të njohur në Londër.
Dënimi ndaj tij shkaktoi zemërim tek familja e Mason, e cila premtoi se do të ankohet për masën e dënimit.