Tensionet midis Rusisë dhe Shteteve të Bashkuara vijojnë që të rriten për pushtimin e Ukrainës nga Moska dhe thellimin e grindjeve diplomatike.
Ministri i Jashtëm rus, Sergej Lavrov dhe homologu amerikan, sekretari i Shtetit, Antony Blinken, nuk planifikojnë të takohen në takimin e Këshillit të Sigurimit të Kombeve të Bashkuara që Lavrov kryeson të hënën.
“Nuk ka plane të tilla. Ne nuk kemi një agjendë me amerikanët për diskutim në nivel ministror për momentin,” tha të dielën zëvendësministri i jashtëm rus Sergei Ryabkov, sipas agjencisë shtetërore ruse të lajmeve RIA Novosti.
Moska ka rritur retorikën e saj në një mosmarrëveshje diplomatike me Uashingtonin. Rusia “nuk do t’i falë” SHBA-të për mosdhënien e vizave për gazetarët rusë për të udhëtuar në SHBA dhe për të mbuluar komentet e Lavrov, u tha ministri i Jashtëm gazetarëve në një intervistë të dielën.