Një 28-vjeçare e identifikuar si Arlinda Rama, është arrestuar nga policia pasi ishte në kërkim që prej muajit mars.
Ajo u kap në aeroportin e Rinasit pasi Prokuroria e Tiranës kishte lëshuar urdhër arresti për prodhim dhe shitje të narkotikëve, e kryer në bashkëpunim.
E reja kërkohej në kuadër të operacionit të koduar “Harta”, që goditi 2 grupe që shpërndanin lëndë narkotike kanabis, heroinë dhe kokainë, në lokale nate dhe në afërsi të shkollave, në zona të ndryshme të Tiranës.