Presidenti Bajram Begaj, sot do të udhëtojë për vizitë shtetërore në Kroaci, me ftesë të presidentit Zoran Milanoviç. Presidenti do të mirëpritet të të enjten sipas ceremonive të nderit dhe mirëseardhjes për të vijuar agjendën zyrtare të bisedimeve me Kroacinë si dy partnerë strategjikë.
Takimi do të fokusohet tek marrëdhëniet dypalëshe, bashkëpunimi rajonal, rrugëtimi evropian i Shqipërisë, si dhe zhvillimet e tjera me ndikim në çështjet e paqes dhe sigurisë. Në kuadër të kësaj vizite shtetërore, Begaj do të pritet në takime të veçanta më 27 prill nga Kryeministri i Kroacisë, Andrej Plenkoviç, si dhe Kryetari i Parlamentit të Kroacisë, Gordan Jandrakoviç.
Gjatë qëndrimit në Kroaci, Begaj do të zhvillojë edhe një takim me përfaqësues të shoqatave shqiptare. Më 28 prill 2023, nën shoqërinë e mikpritësit, Presidentit të Kroacisë Milanoviç, Begaj do të vizitojë e takohet me Arbanasit e Zarës (Zadarit). Aktivitetet që shënon vizita shtetërore e Presidentit Begaj dhe e delegacionit që e shoqëron, mbyllet ditën e premte, më 28 prill 2023.