Një nismë e pazakontë po bëhet virale në rrjet dhe po mbështetet çdo ditë nga më shumë njerëz. Bojkot kompanive celulare! Shkaku… dihet! Rritja e shfrenuar e çmimeve dhe paketave të komunikimit celular.
Nisma është iniciuar nga një qytetar, i cili ka shkruar tek faqja “Lolita” dhe ka shprehur shqetësimin lidhur me ndryshimin e çmimeve të ofertave dhe paketave të kompanisë celulare.
Shqetësimit i janë bashkuar shumë qytetarë të tjerë që thonë se kanë hasur të njëjtat probleme të pandryshuara, ndërkohë që shteti shqiptar është ende i verbër përballë të tillave abuzimeve.
Kështu, Lolita ka propozuar një protestë e cila konsiston në fikjen e celularëve nga ora 16:00-17:00, si dhe mos rimbushja e celularit për një muaj.
Protestuesit kundërshtojnë tarifat e vëna nga tre kompanitë celulare që operojnë në Shqipëri, Vodafone, Albtelecom dhe Telecom.