Arma e krimit tip “TT” e përdorur në vrasjen mafioze të biznesmenit Ardian Nikulaj në lokalin e tij në Shëngjin, është hedhur në lumin Drin. Kërkimet për gjetjen e armës, kanë nisur që prej ditës së djeshme nga zhytësit e RENEA-s, por deri më tani nuk ka rezultat. Kërkimet vazhdojnë dhe ditën e sotme.
Kurse detaje nga planifikimi i krimit, është se 4 britanikët të gjithë në rolin e vëzhguesve kanë qëndruar në hotelin e biznesmenit Ardian Nikulaj. Nga kamerat e sigurisë është filmuar shtetasja britanike Harriet Bridgeman, nga Bristol, si dhe personat e tjetër të shpallur në kërkim Harry Simson, Thomas Mithan, Steven Hunt.
Në to ata shfaqeshin në ambiente të ndryshme të hotelit e restorantit të viktimës. Ata prezantoheshin si turistë, por në të vërtetë qëllimi që kishin ishte vëzhgimi i lëvizjeve të biznesmenit.