Kërkimet për lokalizimin dhe arrestimin e shtetasit portugez, Ruben Saraiva dhe atij britanik, Harry Simpson, të akuzuar për vrasjen e biznesmenit Ardian Nikulaj në 19 Prill në Shëngjin, janë përqendruar në katër shtete.
Sipas Tv Klan, autoritetet shqiptare po mbajnë kontakte të vazhdueshme me policinë në Greqi, Portugali, Itali dhe Britaninë e Madhe, për të bërë të mundur gjetjen e tyre.
Verifikimet e kryera për shtetasin portugez, i shpallur në kërkim si ekzekutori fizik i biznesmenit Ardian Nikulaj, tregojnë se në rrugë ligjore ai ende nuk ka dalë nga Greqia, megjithatë hetuesit nuk përjashtojnë mundësinë e largimit nga aty ilegalisht. Pas vrasjes ai doli nga vendi ynë nëpërmjet Doganës së Kapshticës.