Fotoja e Presidentit të Austrisë bëhet virale, pa truproja dhe me tren për të takuar homologun

Të jesh kryetar shteti, nuk do të thotë të mos jesh si populli. Këtë e ka treguar më së miri presidenti i Austrisë Alexander Van der Bellen. Ai ka postuar një fotografi në rrjetet sociale, që ka bërë shumë bujë. Presidenti austriak ka treguar se është nisur me tren në takimin zyrtar me Presidentin e Italisë, Sergio Mattarella. Ai udhëtoi i vetëm dhe pa truproja, madje edhe me transport publik, duke u dhënë shembull liderëve të tjerë, sidomos atyre të Ballkanit. Më parë edhe liderë të tjerë kishin vepruar ngjashëm, ndërsa kishin bërë bujë për modestinë e tyre.