Ervin Saljanji, ish-deputet i Partisë Demokratike është përplasur në emisionin “Open” të Eni Vasilit me deputetin e ri të LSI-së Ralf Gjoni.
Ndërkohë që Gjoni po fliste për çështjen e vendimit të Holandës për kthimin e vizave tregoi edhe për përvojën e tij në Britaninë e Madhe, ku siç tha ai kishte punuar si përkthyes për policinë “për ca lekë më shumë”.
Menjëherë ka replikuar Salianji, i cili i ka thënë se edhe tani ju keni zgjedhur të futeni në Parlament për “ca lekë më shumë”.
“Ju jeni qesharakë dhe nuk përfaqësoni askënd! Merrni rrogën si hallexhinj, shumë pak do tradhtonin për shkak të hallit personal, jeni në të drejtën tuaj por jo për interes publik!”, tha ish-deputeti demokrat.
Gjoni i është kthyer, duke e ftuar që të mos bënin replika personale.
Debati ka vijuar më tej me kërcënimet e Salianjit se ia kanë bërë mirë Ralf Gjonit kur i kanë hedhur bojë pranë shtëpisë. Disa herë ky i fundit i tha ish deputetit të PD-së së nuk kishte frikë as Bashën dhe as ortakët e tij.