Kryetari i Bashkisë Berat, Ervin Demo i cili kërkon një mandat të dytë, bën të ditur se shumë shpejt Berati do të ketë Parkun e vetë rekreativ. Demo thekson përmes një postimi në Facebook, se ky super-projekt do të zbatohet te fusha e Stadiumit të Vjetër e cila do të shndërrohet në hapësirën më të bukur për gjithë sportistët dhe banorët.
“Pazaret me pronat publike në Berat kanë marre fund. Idetë për ndërtimin e qendrave tregtare apo pallateve janë pjesë e së shkuarës, ne do të ecim përpara. Aty do të ndërtohen fusha mini-futbolli, basketbolli, volejbolli, fushë tenisi, fusha ping-pongu, pista vrapimi, parqe me lodra për fëmijë, ambiente çlodhjeje në një oaz të mrekullueshëm”, shprehet ai.
Nga ana tjetër, Demo thekson se një nga ambientet më modernë do të marrë jetë dhe ashtu siç e meriton, Berati do të kthehet në lartësinë që meriton.