Dy turistë belgë janë “zhdukur” që prej mbrëmjes së të enjtes në zonën mes Llogarasë dhe Dhërmiut. Policia e Vlorës ka nisur kërkimet, dhe në ndihmë të saj kanë shkuar dhe forca DELTA, por end nuk dihet asgjë për ta.
Prefekti i Vlorës ka bërë të ditur se turistët kishin ngritur kamping në këtë zonë. Mësohet se ata janë të moshës 56-58 vjeç, por emrat nuk janë bërë të ditur. Edhe banorët e zonës kanë shkuar në ndihmë të policisë për gjetjen e tyre.