Gjatë një takimi me zgjedhësit e fshatit Burgajet në Njësinë Administrative Lis, kandidati socialist Agron Malaj tha se ai është përpjekur maksimalisht të zbusë luftën politike mes të majtëve e të djathtëve, duke rritur qytetarinë, bashkëpunimin, shërbimet.
“Unë, nuk i kam vlerësuar qytetarët sipas bindjeve të tyre politike, me mendimin se boll kanë “luftuar” matjanët sipas llogoreve politike. Askush, në katër vitet e fundit, nuk është ndëshkuar për bindjet që ka manifestuar. Kjo nuk ka ndodhur as me punësimet dhe as me shërbimet. Të gjithë janë trajtuar si të barabartë. Pikërisht ky model duhet përqafuar, duke lënë në arkiv ndasitë politike dhe hakmarrjen primitive”, tha Agron Malaj.
Edhe banorët e Burgajetit shprehën mbështetje për kryebashkiakun Agron Malaj, duke vlerësuar investimet e mëdha të 4 viteve të fundit.