Dyshja që u përball për fitoren në edicionin e kaluar të “Big Brother Albania Vip 1”, Donald Veshaj dhe Iliri Shaqiri, befasuan mbrëmë katër finalistët duke hyrë në shtëpinë e famshme. Donaldi dhe Iliri kanë darkuar me katër banorët Efin, Luizin, Kristin dhe Deamishel.
Donaldi madje në një moment për t’i thënë Luizit që të relaksohej dhe të shijonte ditët e fundit të kësaj aventure i tha se ai do ta fitonte.
“Po lëre ore, qetësohu o zemra ime, ç’ke ore, do ta fitosh zemra”, i tha Donaldi-Luizit. Luizi përveç si pretendenti kryesor për ta fituar ai është konsideruar si fenomen i lojës së BBVA.
Këngëtari nga Shkodra ka arritur rekorde ndjekësish në Instagram dhe ka shënuar miliarda klikime në TikTok.