Kreu i PR-së, Fatmir Mediu zhvilloi një takim me këshilltarët republikan të bashkisë së Tiranës që mbi 90% janë të rinj. Mediu theksoi se është momenti i tyre dhe e domosdoshme që të luftojmë fort në çdo rrugicë, lagje apo fshat të Tiranës, të bisedojmë dhe dëgjojmë njerëzit dhe ti kërkojmë të votojnë Nr4 Partinë Republikane.
“Ky është një moment jetik për Shqipërinë dhe shqiptarët. Mendoj që jemi në situatën më të vështirë të historisë sonë kombëtare.
Shpopullimi, varfëria, korrupsioni, krimi, dominojnë shoqërinë, duke krijuar një problem shumë të madh me bindjen se çfarë duhet bërë dhe çfarë po bëhet në Shqipëri. Zgjedhjet e 14 majit nuk janë thjesht zgjedhje për kryetar bashkie, apo zgjedhje për këshilltarë bashkie.
Ky është një moment jashtëzakonisht i vështirë për faktin sepse ky pushtet përpiqet me cdo mënyrë të ushtrojë presion për të larguar njerëz nga puna, ushtron presion me varfërinë, me ndihmën ekonomike, me shkatërrimin e bizneseve, me shkatërrimin e pronës, dhe ajo që është më e papranueshmja, ata mendojnë se shqiptarët janë në shitje”,-tha ai.