Në Francë ekziston një çështje mjaft e nxehtë rreth Leo Messit. Argjentinasi u përjashtua për 2 javë nga skuadra pasi u largua pa njoftim drejt Arabisë Saudite për të nënshkruar një marrëveshje imazhi. Një situatë kaotike që vjen edhe pas protestave të forta të tifozëve kundrejt klubit dhe pikërisht edhe Messit.
Si asnjëherë më parë, është vetë ylli botëror që me një video të publikuar në llogarinë e tij në rrjete sociale reagon për herë të parë për këtë çështje.
“Mendova se do të kishim një ditë pushim pas ndeshjes, si zakonisht. E kisha organizuar këtë udhëtim dhe nuk e anuloja dot pasi e kisha bërë këtë gjë edhe më parë. Kërkoj ndjesë shokëve të ekipit dhe po pres për atë që klubi do të bëjë më mua”, thotë Messi.