Analisti Milaim Zeka, duke folur për situatën në veri të Kosovës pas zgjedhjeve lokale dhe pas takimit të kryeministrit Albin Kurti dhe presidentit serb Aleksandër Vuçiç, u shprehur se Kurti së shpejti do të japë dorëheqjen.
Sipas tij, Amerika po i bën presion që të krijohet një miniSerbi brenda Kosovës.
“Unë ju garantoj se kurrë nuk kemi qenë më afër dorëheqjes së Kurtit. Aq sa e nuhas politikën dhe sa e njoh Albin Kurtin jemi pranë dorëheqjes së tij. Amerikanët po kërkojnë krijimin e një mini- Serbie brenda shtetit tonë. Të krijojnë republikën Serbska brenda Kosovës dhe nëse krijohet siç do Vuçiç dhe Amerika vaj medet hallit për shtetin tonë. Ish-klasa politike e Kosovës e shkatërroi ardhmërinë e shtetit të Kosovës përmes korrupsionit dhe krimit të organizuar. Siç solli Berisha Ramën në krye të shtetit shqiptar, Hashim Thaçi, Ramush Haradinaj e Jakup Krasniqi sollën në krye të Kosovës një anarkist me emrin Albin Kurti. Për këtë Amerika klasës politike të kaluar mos flisni ndërsa Kurtit po i thonë do të veprosh siç të themi ne”, deklaroi Zeka në “Top Talk”.