Nga Pogradeci, Ilir Meta u shpreh gjatë takimit elektoral për prezantimin e kandidatit të koalicionit “Bashkë Fitojmë” se Bashkia e këtij qyteti është në prag të falimentimit.
Sipas tij, opozita do të arrijë një fitore të padiskutueshme në Tiranë, Durrës, Elbasan, Korçë, si dhe Pogradec.
“Bashkia e Pogradecit është në prag të falimentimit. Ai duhet të iki se i kishte të gjitha mundësitë që të bënte diçka për Pogradecin dhe kurrë nuk e bëri. Pogradeci ka vuajtur si askush tjetër në këto katër vite edhe nga shpopullimi i rinisë. Një vend pa rini është si një shtëpi pa fëmijëve. T’i japim fund një qeverie që e ka në program shpopullimin. Këtu nxitet shpopullimi i të rinjve dhe të rejave nga trevat e vendit aty ku mundësitë për zhvillim janë të jashtëzakonshme por mungon vullneti. Fitorja është e padiskutueshme. Është në Tiranë me Belind Këlliçin, në Durrës me Igli Carën, në Elbasan me Luçiano Boçin”, u shpreh Meta.