Ish-kryeministri Sali Berisha ka zhvilluar këtë të mërkurë një takim elektoral në Kavajë, ku iu ka bërë thirrje që në 14 maj të votojnë kandidatin Fisnik Qosja, i cili sipas tij do të jetë aty për qytetarët.
Para demokratëve ai sulmoi kandidatët e PS, duke thënë se nuk kanë program për qeverisjen lokale, por sipas tij duan të “pushtojnë” Bashkitë për të vjedhur taksat e qytetarëve.
Berisha i bëri thirrje kryeministri Edi Rama që të votojnë nesër ligjin për rritjen e pagave dhe pensioneve, por edhe kjo sipas tij është një tjetër mashtrim i kryeministrit.
“Në këto 30 vite Kavaja ishte e para që u çlirua me gjakun e Josif Budës.Kavaja do të qëndroj në krye të fitores edhe kundër këtij monizmi të ri. Ju jeni faktuar si njerëz me vlera dhe besime të palëkundura. Sot po përballemi me pushtimet e këtij regjimi, ata që i plaçkitin qytetaeë e tyre dhe askush nuk ka plaçkitur më shumë se regjimi i Ramës.
Ai po plaçkit pronat e pasuritë e shqiptarëve. Në këtë fushatë ne bëmë gjithçka që të rivendosimn qytetarin në piedestalin që e meritojnë. Fisnik Qosja është i votuari i juaj.
Ai përdor mashtrimin, u zotuar se do të bëjë rritje të madhe rrogash. E ftoj sërish nesër hajde që të votojmë ligjin e rrogave e pensioneve, por ti je një hajdut dhe mashtrues, anti-shqiptar”, tha Berisha.