Pas reagimit të menjëherëshm të Athinës zyrtare për arrestimin e kandidatit të Berishës dhe Metës në Himarë, të Fredi Belerit, sot në mëngjes ambasadorja e Greqisë në Shqipëri ka dorëzuar ankesë në Ministrinë e Jashtme.
Mësohet se ambasadorja greke ka shkuar në Ministrinë e Jashtme së Shqipërisë rreth orës 09:00, ku është pritur nga drejtori i MEPJ.
Nuk pritet të ketë një reagim nga MEPJ në lidhje me arrestimin e kandidatit të Himarës, Fredi Beleri. Kandidati i koalicionit “Bashkë Fitojmë” për Bashkinë e Himarës u arrestua pas mesnate nën akuzën për blerje votash.