Presidenti ukrainas, Volodymyr Zelensky takoi sot Papa Françeskun në Vatikan.
Gjatë takimit, 45-vjeçari i dorëzoi Atit të Shenjtë një jelek antiplumb, të përdorur nga një ushtar ukrainas.
“Është një nder i madh”, tha Zelensky duke vënë dorën në zemër teksa u takua me 86-vjeçarin.
I pari i shtetit të Ukrainës më pas ka publikuar një fotografi në rrjetet sociale, ku deklaroi se ishte “mirënjohës” për “vëmendjen personale të Papës ndaj tragjedisë së miliona ukrainasve”, duke shtuar se dyshja folën për “dhjetëra mijëra” fëmijë të dëbuar nga Rusia.