Kreu i Partisë së Lirisë, Ilir Meta, së bashku me bashkëshorten e tij dhe tre fëmijët, kanë votuar sot në Tiranë.
Ai u ka bërë thirrje qytetarëve që të marrin pjesë në këto votime, pasi vetëm kështu qytetarët kanë të drejtë të kërkojnë llogari.
“Sot votuam si familje e kompletuar se për herë të parë votoi dhe Era. Unë kam vetëm një lutje për të gjithë qytetarët e Tiranës dhe gjithë Shqipërisë, pjesëmarrje, pjesëmarrje dhe përsëri pjesëmarrje. Vetë demokracia është pjesëmarrje dhe nuk ka ndryshim pa pjesëmarrje. E drejta më e rëndësishme që ka një qytetar është vota. Një qytetar që nuk ushtron këtë të drejtë nuk ka të drejtë as të kërkojë llogari. Ushtroni këtë të drejtë sot. Vetëm përmes pjesëmarrjes ju mund të bëheni pjesë e ndryshimit dhe t’i kërkoni llogari të gjithëve. Ditë e madhe për Shqipërinë, merr fund monizmi absolut”.