Deputeti demokrat, Edmond Spaho ka treguar arsyen e konfliktit brenda qendrës së votimit në Zvezde.
“Më informuan se një bandë prej 50 vetash e Ilir Kondavinit bllokoi procesin, shkova atje, dy gorilla më dolën para dhe nuk më lejonin të kontaktoja. Ato më zinin rrugën, në këto kushte u detyrova që ti largoj. Dola jashtë, lajmërova Policinë, erdhën aty. Më pas erdhën një tufë tjetër, duke intimiduar mua dhe përfaqësuesit e mi.”
Spaho u filmua ditën e sotme në një qendër votimi teksa tërhiqte me forcë prej krahu një person. Denoncimi për rastin u bë nga kandidati i PS-së për Bashkinë e Maliqit, Gëzim Topçiu.