Ministrja e Turizmit dhe Mjedisit, Mirela Kumbaro ka reaguar pas fitores së koalicionit “Bashkë Fitojmë” në Bashkinë Memaliaj.
Nisur nga fakti që kjo bashki ka qenë bastion i majtë, Kumbaro njoftoi se do të lexohet çdo votë e hedhur në kutitë e votimit.
“Bashkia Memaliaj do të jetë objekt i një analize shumë të veçantë. Me një vëmendje personale dhe të skuadrës drejtuese të Partisë Socialiste do ta lexojmë çdo votë të hedhur më kutitë e Bashkisë Memaliaj lidhur me kandidatin për të kuptuar se cili ishte vullneti dhe cili është mesazhi. Për të mbërritur në një konkluzion më të plotë do të jetë me vlerë të presim dhe leximin e votë që i jepet Partisë Socialiste. Bashkia e Memaliaj ka qenë një bashki e majtë historikisht”, tha ai.