Procesi i numërimit të votave po vijon e ndërsa në rezultatet e para, numrin më të lartë të bashkive fituese, rezultojnë socialistët. Por duke bërë një përmbledhje të bastioneve demokrate që janë ‘thyer’ nga Partia Socialiste rezultojnë si më poshtë.
Së pari qarku i Dibrës në historikun politik, njihet si bastion i demokratëve e ku thyrja nisi në 2013 kur Partia Socialiste fitoi pushtetin.
Gjithashtu dhe në zgjedhjet lokale për të zgjedhur kryetarin e Bashkisë socialistët kanë kryesuar, por edhe bashkitë Burrel, Klos e Bulqizë tashmë janë bashki që drejtohen nga socialistë.
Për të renditur Lezhën si një nga bastionet e forta të Partisë Demokratike, ku në zgjedhjet vendore të 2019 fitues rezulton Pjerin Ndreu ashtu sikurse edhe në këto zgjedhje, Lezha do të drejtohet përsëri nga Ndreu.
Ashtu sikurse Shkodra, qytet i cili që prej viteve 90’ është udhëhequr nga demokratët, tashmë do të drejtohet nga Benet Beci , kandidat i Partisë Socialiste.
Tropoja konisderohej si një nga qytetet me votues dhe bindje demokrate, vend i cili njihet historikisht si një bastion i djathtë, vendlindja e ish-kryeministrit Sali Berisha, por Rexh Byberi kryesoi dhe në zgjedhjet vendore të 2019 fitoi të drejtonte bashkinë e Tropojës.
Një nga qytetet që prej vitesh udhëhiqej nga demokratë, socialistët e kanë fituar dhe Kukësin. Ndërkohë shanset janë të mëdha që socialistët të drejtojnë edhe një mandat qytetin e Kukësit.