Fitoi mandatin e dytë në zgjedhjet e 14 Majit, Pjerin Ndreu pritet me ovacione nga punonjësit

Pjerin Ndreu fitoi një tjetër mandat në krye të Bashkisë së Lezhës, dhe mëngjesin e sotëm është pritur me ovacione nga punonjësit. Kryebashkiaku socialist Ndreu i është rikthyer punës, ndërsa punonjësit pritën të gjithë në hyrje të bashkisë ku duartrokitën dhe hodhën fishekzjarre. Pjerin Ndreu mori 18290 vota në total, duke lënë pas me dy mijë vota diferencë kandidatin e Bashkë Fitojmë, Pashk Gjonin.