Autori i dyshuar që qëlloi në drejtim të makinës së ish-deputetit socialist Armando Prenga në Kurbin, është identifikuar si Fatbardh Ismaili, djali i komisionerit të koalicionit “Bashkë Fitojmë” në procesin zgjedhor të 14 majit.
Ngjarja ka ndodhur në Fushë Kuqe. Prenga po qarkullonte me makinën e tij kur 29-vjeçari qëlloi me armë në drejtim të mjetit të tij.
Ngjarja është kallëzuar në polici nga vetë ish deputeti, Armando Prenga.
Policia ka shpallur në kërkim autorin e dyshuar, ndërsa ka ngritur pika kontrolli për lokalizimin e tij.