Kreu i Partisë së Lirisë, Ilir Meta, i cili kundërshton rezultatet e zgjedhjeve vendore të 14 majit, bëri me dije se do të nisë procesin për kontestimin ligjor.
Sipas Metës, ka fakte të reja tronditëse që dokumentojnë se mafia nën komandën e Ramës ka shkatërruar procesin zgjedhor.
“Çdo orë, çdo minutë, fakte të reja tronditëse vijnë dhe dokumentohen sesi mafia nën komandën e Edi Ramës shkatërroi procesin zgjedhor, standardet e të cilit ishin zeruar nga vetë Edi Rama përpara se të niste ky proces. I gjithë ky shkatërrim i procesit zgjedhor, i tjetërsimit të votës së lirë të qytetarëve shqiptarë, jo vetëm po dokumentohet, por njëkohësisht do të fillojë dhe procesi i kontestimit ligjor”, shkruan Meta.