11 persona raportohet të kenë humbur jetën si pasojë e motit të keq që ka mbërthyer Italinë.
Sipas mediave vendase, dhjetëra të tjerë rezultojnë të zhdukur, ndërkohë mijëra njerëz janë detyruar që të zhvendosen nga banesat e tyre të pushtuara nga uji.
24 komuna janë të përmbytura dhe gjatë 36 orëve të fundit lumenjtë kanë dalë nga shtrati.
Kryeministrja Giorgia Meloni ka siguruar gatishmërinë maksimale për të ndihmuar zonat e prekura, ndërkohë rreth 700 zjarrfikës janë angazhuar për t’iu ardhur në ndihmë qytetarëve.